तिम्रो हृदयमा त्यसको सुन्दरताको चाहना नगर, न त त्यसले तिमीलाई आफ्ना आँखाका पलकहरुले फसाउन देओस् । किनकि वेश्याको कारणले गर्दा मानिस रोटीको टुक्राजस्तै हुन्छ, र व्यभिचारिणीले बहुमूल्य जीवनको शिकार गर्छे । - हितोपदेश ६ः२५-२६

यो सम्पूर्ण बाइबलमा मत्ती ५ः२८ को सबैभन्दा नजिकको पद हो जहाँ यसले भन्छ, "तिम्रो हृदयमा कुनै स्त्री प्रति कामवासना नराख ।" सम्पूर्ण बाइबलमा हितोपदेश ६ः२५ जत्तिको मत्ती ५ः२८ सँग मिल्दोजुल्दो अर्को कुनै पद छैन । यो नयाँ करारको पूर्णचित्रण हो । बुद्धिले चेतावनी दिन्छ कि व्यभिचार हृदयबाट सुरु हुन्छ । यो विपरीत लिङ्गीको प्रशंसाबाट सुरु हुन्छ । म यसलाई जोड दिन चाहन्छु किनभने सुन्दरताको प्रशंसा गर्नुमा केही गलत छैन भनेर सिकाउने ख्रीष्टियानहरु (विश्वासीहरु) छन् । त्यो तिनीहरुको हृदयमा परमेश्वरको डर नभएको कारणले हो । परमेश्वरको वचनले भन्छ, "तिम्रो हृदयमा उनको सुन्दरताको चाहना नगर ।"

के तपाईंसँग शारीरिक सुन्दरताको बारेमा गलत बुझाई छ ? हितोपदेश ३१ः३० ले भन्छ कि शारीरिक सुन्दरता एउटा खाली, खोक्रो कुरा हो । युवाहरु, म तपाईंलाई यो भन्न चाहन्छु, यदि तपाईंले आफ्नो दिमागमा यो राख्नुभएन भने शारीरिक सुन्दरता एउटा खाली, खोक्रो, बेकार कुरा हो, तपाईंले एक दिन यसबाट धोका पाउनुहुनेछ । तपाईं गलत व्यक्तिसँग विवाह गर्नुहुनेछ र यो कुरा आफ्नो बाँकी जीवनभरी भोग्नुहुनेछ । आफ्नो आँखा फर्काएर र सुन्दरतालाई हेर्दै, "ठीक छ, म कामवासना गरिरहेको छैन । म केवल सुन्दरताको प्रशंसा गर्दैछु" भनी नभन्नुहोस् । त्यो एउटा भयानक छल हो र परमेश्वरले यो देख्नुहुन्छ ! परमेश्वरले त्यस्ता सबै मानिसहरुलाई सेवामा बोलाउनुभएको हुन सक्छ, तर उहाँले तिनीहरुलाई उपयोगी विहीन ठान्नुहुन्छ र भन्नुहुन्छ, "तिमीले यो पाउन सक्दैनौ । म तिमीलाई एउटा सेवाकाइ दिन सक्थें, तर तिमीले आफ्नो आँखाले मूर्खताको काम गर्‍यौ र आफूलाई विश्वासी भनेर दाबी गर्‍यौ र नयाँ र जीवित मार्गको बारेमा कुरा गर्‍यौ, तर तिमी यस क्षेत्रमा पूर्ण हृदयले छैनौं !" आफ्नो हृदया पनि उनको सुन्दरताको चाहना नगर ! यसले व्यभिचारको बारेमा कुरा गरिरहेको छैन । यसले केवल केटीको शारीरिक सुन्दरताको प्रशंसा गर्ने बारेमा कुरा गरिरहेको छ ! यसले भन्छ, त्यसको प्रशंसा पनि नगर । ठीक छ, यदि तपाईंले यसलाई अपनाउन चाहनुहुन्छ भने त्यो बुद्धिमत्ता हो । सावधान रहनुहोस् ।

त्यसपछि यसले भन्छ, "उनलाई आफ्नो आँखाले तिमीलाई अधीन गर्न नदेऊ ।" परमेश्वरको वचन धेरै व्यावहारिक छ । यसले यहाँ भन्छ कि महिलाको आँखामा केही छ जसले एक जवान मानिसलाई अधीन गर्न सक्छ । र त्यसैले हामीले पाउँछौं कि शैतानले आजकल केटीहरुलाई आफ्नो आँखाको परेलीलाई अझ आकर्षक बनाउनको लागि रंगाउन सिकाएको छ - ती सबै आकर्षक रंगहरु, र यदि तपाईं ती मध्ये एक हुनुहुन्छ जो हातमा जनावरको चिन्ह चाहन्छन् ताकि तपाईं सभामा राम्रो गवाही पाउन सक्नुभएको होस् । म मान्छु कि केहीथरिका रंगहीन कुराहरु पनि छन् जुन तपाईं आफ्नो आँखा, ओठ र सबै ठाउँमा लगाउन सक्नुहुन्छ ताकि तपाईं आफूलाई आकर्षक बनाउन सक्नुभएको होस् । यसले यहाँ भन्छ, "उनलाई आफ्नो आँखाले तिमीलाई अधीन गर्न नदेऊ ।"

म तपाईंलाई २ राजा ९ः३० को एउटा पद देखाउन चाहन्छु जहाँ अनुहार रंगाइएकी केटीको बारेमा बताइएको छ । त्यो हो ईजेबेल । तपाईंले प्रकाश २ मा पनि उनको बारेमा पढ्नुभएको छ । थिआटीराको मण्डलीमा एउटी ईजेबेल बसिरहेकी छिन् । २ राजा ९ मा भनिएको छ जब येहू यिजरेल आए, ईजेबेलले यसको बारेमा सुनेकी थिइन्, र उनले आफ्नो आँखा रंगाइन् । के तपाईंलाई थाहा छ ख्रीष्टभन्दा सयौं वर्ष अघि मस्कारा प्रयोग गरिन्थ्यो ? यो २० औं शताब्दीको आविष्कार होइन । ईजेबेलले त्यो उत्पादन सुरु गरेकी थिइन् । उनले आफ्नो आँखा रंगाइन् र आफ्नो कपाल सजाइन् । म निश्चित छु कि उनले आफ्नो अनुहारको बाँकी भाग पनि रंगाइन् र झ्यालबाट बाहिर हेरिन्, र येहूले पद ३३ मा भने, "तिनलाई तल फ्याँकिदेऊ !", र तिनीहरुले उनलाई तल फ्याँकिदिएर मारे । उनी रंगाइएको अनुहारबाट प्रभावित भएनन्, र तपाईं पनि हुनुहुँदैन । येहू परमेश्वरको भय मान्ने मानिस पनि थिएनन्, र तैपनि उनले त्यो गर्नसके । रंगिएको अनुहारको यस क्षेत्रमा सावधान रहनुहोस्, र विशेष गरी आँखाको परेलीमा ।

सोलोमन जस्तै, म पनि युवाहरुलाई विपरीत लिङ्गीसँगको सम्बन्धमा विशेष सावधान रहन चेतावनी दिन कहिल्यै थाक्दिन । यदि तपाईं परमेश्वरको वचनमा काँप्नुहुन्छ र यसलाई गम्भीरतापूर्वक लिनुहुन्छ भने, यसले तपाईंलाई त्यो स्त्रीबाट जोगाउनेछ जो तपाईंको जीवनलाई बर्बाद र नष्ट गर्नलाई शैतानद्वारा आएको एक व्यक्ति हुनसक्छ ! र यदि ऊ तपाईंको जीवनलाई बर्बाद र नष्ट गर्न सफल भएन भने, उसले कम्तिमा परमेश्वरको मानिसको रुपमा परमेश्वरको लागि तपाईंको आत्मिक उपयोगितालाई नष्ट गर्ने प्रयास गर्नेछ ! बचाइएका मानिसहरु छन् र अझै पनि स्त्रीहरुसँग मूर्खतापूर्ण व्यवहार गर्छन्, र तिनीहरुले परमेश्वरले तिनीहरुलाई दिन सक्नुहुने सम्पूर्ण सेवा गुमाएका छन् ! यो कुरालाई हामीले गम्भीरतापूर्वक लिनुपर्छ । "मेरा पापहरु क्षमा भएका छन्" भन्नु पर्याप्त छैन । कल्पना गर्नुहोस्, अनन्तकालमा उभिएर तपाईंले थाहा पाउनुभयो कि परमेश्वरले तपाईंको लागि एउटा सेवाकाइ तयार गर्नुभएको थियो, र तपाईंले विपरीत लिङ्गीसँगको सम्बन्धमा धेरै सावधान नभएको कारणले त्यो गुमाउनु भयो । अनन्तकालमा उभिएर तपाईंले पत्ता लगाउनुभयो कि कुनै मूर्ख वयस्क केटीसँगको केही मूर्खतापूर्ण सानो आनन्दको लागि, तपाईंले एउटा सेवकाइ गुमाउनुभयो जसले तपाईंको लागि सम्पूर्ण अनन्ततालाई गौरवशाली बनाउन सक्थ्यो । तर तपाईंले त्यो गुमाउनुभयो किनभने तपाईं पृथ्वीमा यति मूर्ख हुनुहुन्थ्यो । त्यस दिन धेरै मानिसहरुको हृदयमा कस्तो पछुतो हुनेछ भनेर सोच्नुहोस् ।

विशेष गरी जब तपाईं जवान हुनुहुन्छ, सावधान रहनुहोस् ।